عن..

عن النقاط المظلمة..
الابواب اللي افتكرتها اتقفلت..بس لسة متواربة.. 

عن النقط اللي بتفتكر انها اتمسحت..و انتهت.. 

بس تيجي كلمة..حركة..اشارة..

 اي حاجة..تدوس على النقطة دي..ترجع الحبر ينتشر من النقطة..يسود الورقة..

حاجة تحرر الجانب المظلم اللي جوة تاني.. 

عن الفوبيا من جراح اللي فات..و ارتكاريا استعادة الماضي..المظلم.. 

عن كلمات مفتاحية..كلمة سر..بتحرر الوحش..

 محدش بياخد باله منها..غير لما تفتح الباب.. 

عن جرح نفسي مش بيزول..و علامة ما بتختفيش..مهما اتعملها تجميل..

اول ما بتلمس..بتوجع..
و لما بتتشك..بتتفتح..
ما بتزولش..